موسى هلال لقيادات الدعم السريع : نحن لسنا طرف في الحرب وغير مقتنع بمشروعكم

مستريحة – العودة

قال رئيس مجلس الصحوة الثوري الشيخ موسى هلال بأنه ابلغ قيادات مليشيا الدعم السريع بأن موقفهم ضد الحرب في البلاد.

وأضاف هلال في لقاء جماهيري :” نحن برنامجكم ومشروعكم حق الحرب ده كدة، أنا شخصياً ما مقتنع به، وعندي ناس معاي في مجلس الصحوة ما مقتنعين بمشروع الحرب).

وأضاف :” نحن ما طرف فوقها وما بندخل كراعنا فوقها تاني، ما بنشيل يدنا ورجلنا وبندخلها في شيء، نحن لا أهل فكرة معاه، ولا أهل شورة معاه، ولا أهل طبخة في المطابخ السياسية معاه، ولا نعلم عن الحرب القومتوها دي أدنى شيء.”

وزاد هلال بالقول :”عشان كده نحن الحرب دي فيها ما بندخلها ولا بندخلها معاكم ،أما المواقف السياسية والقناعات الفكرية دي فيها حرية، أنا مثلاً داير أتبع حزب الأمة، أنت داير تتبع الحزب الاتحادي، داك داير يتبع الجبهة الإسلامية، يعني حتى لو من بيت واحد، المانع شنو أنه أنا أكون عندي حرية الفكر؟ مافي مانع”، نحن سياسياً ما واقفين معاكم في مشروعكم ده” .

وجدد موسى تأكيداته بأن القبائل العربية تأذت من الحرب في السودان مؤكدا موقفه بعدم أذية أبناء عمومته.