هناء ابراهيم تكتب : هاستاق اخر الإسبوع
فوق رأي
هناء ابراهيم تكتب : هاستاق اخر الإسبوع
###
اكثر نقطة وجع في السودان إنو وضعو لا يتناسب مع امكانياته وثرواته….
دا اكتر شي بجيب ليك الضغط والزعل الشديد…
والله جد ..
…..
####
واضح من متابعات السوشيال ميديا إنو حكمنا على ذات الشيء يختلف حسب الشخص…
إذا الزول بنريدو ياسلااام ياخ دا شي وموقف ممتاز…
إذا الزول ما بنبلع لينا .. فـ دا شنو العولاق دا…؟!
مع أن الموقف واحد..
…..
#####
في ناس الحرب دي زادتهم أمراض أخلاقية…
نسأل الله السلامة واللطف
#####
عندنا تريندات تدخل الزول في اضافر قلبو….
في أضيق ضفر…
والله جد…
المشكلة القنوات تشيلا وتشيل بيها حالانا في صمة خشمنا….
#####
اكتوبر الوردي… قومي اطمني وطمنينا عليك…
#####
عندنا واحدة صاحبتنا جات من القاهرة مشينا عزاء مع بعض.. الساعة القالت ليهم ( البأيه في حياتكو) الميت ذاتو اتهجم…
الجماعة ديل لسانهم اتشفشف..
احسن ليكم تعالوا والله …
###
هل اعتقلتك قوات ذكريات قبل كدا؟!
والحلاك شنو؟!
و……….
مرت الأيام
لدواعٍ في بالي
