هناء ابراهيم تكتب : هاشتاق اخر الإسبوع
فوق رأي
هناء ابراهيم تكتب : هاشتاق اخر الإسبوع
####
عدد ما قليل من الناس تعتريهم ( لخبطة تعبيرية) في المناسبات… وخاصة لخبطة المشاعر أثناء تقديم واجب العزاء…
داير تقول البركة فيكم تجدها مبروك ليكم…
زول مرقد في المستشفى يقول ليك مات تقول ليهم الحمد لله على السلامة…
الله يسلمك الله… يبارك فيك
وحاجات تحرجك كم سنة قدام…
دا كلو هين … لكن زول ( والده متوفى من زمان ) فـ يتوفى (حديثاً )والد صاحبه … يجي لصاحبه في صيوان العزاء يقول ليهو (بقينا دفعة يا صاحبي) !!!
كدا جنيتو بس….
لا توجد أزمة مجانين
……
#######
إنْ عدتَ كَي تَشْفي الجِراح فإنني داويتُ جُرحي لا أريدُ طبيبا
######
في ناس لو اتصرفوا بي عقلهم ولو اتصرفوا بي قلبهم واحد..
والله جد….
الإتنين نفس الـ ………
ايوه نفس ما فهمت من النقاط
….
#####
بمناسبة نتيجة القبول للجامعات إن شاء الله شالوك محل قلبك قال…
في ناس قروا حاجات علاقتهم بيها زي علاقة نانسي عجرم بي شارع مدني….
قروا حاجات ساي وعذبونا ساي
والله جد….
#####
سيدنا عمر بن الخطاب لمن قال علموا أولادكم السباحة والرماية وركوب الخيل… دا على أساس انكم تعلموهم الأدب أمر طبيعي وأساسي…
الأدب دا معروف تلقائياً…. تلد تربي
منتهي…
بلاغ مشطوب
والله جد…
هسه كدي الانجليزي خلوا… علموهم الأدب
#####
إن أردت أن تحظى بخدمة ممتازة، اخدم نفسك بنفسك..
قالها جوزيه ساراماغو
###
قال :
وَدَّعْتُها ولَهِيبُ الشّوْقِ في كَبِدي
والبَيْنُ يُبْعِدُ بينَ الرُّوحِ والجسَدِ
وَدَاعَ صَبّيْنِ لَمْ يُمْكِنْ وَدَاعهما
إِلاَّ بلَحْظَةِ عَيْنٍ أَوْ بَنانِ يَدِ
وَدَّعْتُها لِفِراقٍ فاشْتَكَتْ كَبِدِي
إِذْ شَبّكَتْ يَدَها مِنْ لَوْعَةٍ بِيَدِي
وحاذَرَتْ أَعْيُنَ الواشِينَ فانْصَرَفَتْ
تَعَضُّ مِنْ غَيْظِها العُنّابَ بالبَرَدِ
فكانَ أَوَّلُ عَهْدِ العَيْنِ يومَ نَأَتْ
بالدَّمْعِ آخِرُ عَهْدِ القَلْبِ بالجَلَدِ
جَسَّ الطّبيبَ يَدي جَهْلاً فقلتُ لهُ
إِنَّ المَحَبّةَ في قَلْبي فَخَلِّ يَدي
و……
سلام أنت ألحاني
لدواعٍ في بالي
