هناء ابراهيم تكتب: هاشتاق الخميس
فوق راي
####
الناس يا جماعة تتقبل الهزيمة…
تحاول تهضم هدف فلومو …
الهلال كسب الدوري
الهلال أخذ الكاس …
الناس تتقبل يا جماعة…
هسه كان نسيتو الموضوع….
والله جد….
######
في إيران قاطع أهل المنطقة صاحب متجر حتى أعلن إفلاسه…
مالو هبب شنو…؟!
والله ولا حاجة… قالوا لأنو بشبه نتنياهو….
بشبهو شكلاً….
اتفرجتوا….؟!
عندنا ناس بشبهوا ابليس فعلاً… زول قاطعن مافي..
#####
مَا كُلُّ نَفْسٍ نَسْتَطِيْعُ فِرَاقِهَا
فَفِرَاقُ مَنْ سَكَنَ الفُؤَاد مَمَاتُ
فَإِذَا صَمَتْنَا وَالحَبيْبُ مُهَاجِرٌ
بَعْضُ الشُعُوْرِ تَخُوْنُهُ الكَلِماتُ
فَالصَمْتُ لَا يَعْنِيْ الِرضَا لَكِنَّنَا
مَوْتَىٰ فَهَلْ يَتَحَدَّثُ الأَمْوَاتْ
#####
بلد كل ما تحفر في أرضه، تطلع ليك حكاية و تاريخ…
حضارة عريقة، اكتشاف أثري جديد يقول للعالم: السودان لم يكن يوماً هامشاً في التاريخ، بل كان في قلبه.
والله جد…
أرضنا بتطلع شواهد عظمة!
وهكذا وهكذا…
###
على صعيد إنساني نبيل: سيدة صينية ذهبت إلى مدينة أخرى واتت بوالدة طليقها لتعيش معها هي وزوجها الجديد وذلك بعد أن توفى ( طليقها) وأصبحت والدته وحيدة بلا أحد يعتني بها ..
جابت نسيتها السابقة عشان تعتني بيها..
حاجة بت ستين جمال
######
اي زول شايف روحو احسن زول
اها وبعدين؟!
####
إذا بعت كرامتك ح تبقي مفلس شديد…
انت كدا أعلنت افلاسك إلى الأبد
أعتقد ذلك
و……..
مافي بربع جنيه كرامه
لدواعٍ في بالي
