هناء ابراهيم تكتب : هاشتاق اخر الإسبوع
فوق راي ..
####
عندي سؤال واقف لي هنا:
التمساح دا جاء عودة طوعية ولا مجبور علي البحر ….؟!
هسه بكون بونس في التماسيح بي عزاء البحر الميت….
واطلالات الملكة رانيا
وهكذا وهكذا…..
###
ما كل أصحابك ينفع تشتكي ليهم….
في أصحاب معينين ما بفهمو مشاكل معينة….
كيف يعني؟!
صاحبك البرجوازي لمن تقول ليهو أنا زهجان وفاقد الشغف وشنو ما بعرف…
بقول ليك أقطع تذكرة سافر ليك يومين ..وغير جو وووووو
وإنت اصلا حق الإنترنت ما عندك …
فـ بس يعني ؟!
#####
اي زول تدي إهتمام زايد وحجم أكبر.. انت كدا حصلت على عولاق برو ماكس
والله جد…
دا كدا زول S لابس قميص دبل إكس لارج
#######
وَتأبىٰ النَفسُ أنْ تَهجُو لَئيماً
فَبَعضُ الناسِ يَرفَعُها الهِجاءُ
لذلك:
ما تعمل لايك للتفاهه ولا تعلق … الله يرضى علينا وعليك
#####
السوشيال ميديا أنجبت انواع أخرى من المجانين …
نسخة مخيفة…..
غلبهم البعملوا
وغلبنا البنقولوا
وغايتو الناس تحتسب
#####
اكتر عملة نادرة في البلد دي هي الخصوصية
####
: انتوا الجنيه السوداني دا جاري كدا وين؟!
: قال البلد دي محتاجة شغل كتير
: وما يشتغلوا طيب…. ما يكون داير يغترب؟!
#####
الشخص الـ ما عارف قيمة نفسو فقير جداً…
والله جد….
####
يا جماعة تعالوا راجعين… الباعوض دا بقى بياخد مننا ( دمنا ودمكم)
و……..
وكأني ما كأني
لدواعٍ في بالي
