هناء ابراهيم تكتب: فلان ضربتو الكهرباء

فوق راي

وجدت منشور لأحدهم محتفيا بصورة النيران في محطات الكهرباء كاتباً تم ( تحييد) محطة كذا ومحطة كذا بي نجاح….
اتفرجتوا
الناس ديل سامعين ليك ( فلان ضربتوا كهرباء) فلان طقتو كهرباء فـ قايلين الكهرباء دي دوشكا….
بتخيل ليهم إنها مدفع ٢٣
قال ليك تم تحيييد….
طبعاً كنت مفتكراهم بضربوا الكهرباء ضر….
طلع ضر وبلادة….
الناس ديل زيرو في فهم سيكولوجية الشعب السوداني….
ساقطين علم مجتمع…
ساقطين أخلاق
ساقطين فهم….
والله جد….
الشعب السوداني بركب راس لمن تقول دا شنو دا ياخ …
نحن عكاليت…
ثم تعال شوف شكل الدعوات من تصبح لي تمسي…
غايتو الجاياكم تقيلة….
مسيرات دعوات قلوب الضعفاء ..
مسيرات دعوات المرضى
دعوات الـ هبشتوه في اساسيات حياتو….
العجيب الأعجب والمخيف جدآ إنو دي مسيرات مافي ليها اي مضاد في الدنيا والآخرة…
ولا انت بتعرفها بتجيك وين ولا متين ولا كيف….
تشيلوا شيلتكم بس…. وعند الله تجتمع الخصوم
أقول قولي هذا ودايرة اقول ليك التحييد من باب المصالح عرفناه…. تحييد القلوب كيف؟!
غايتو الناس تحتسب…
و……..
اتفرج بس
لدواعٍ في بالي