هناء ابراهيم تكتب: هاشتاق اخر الإسبوع
فوق راي
#####
أغرب حاجة ومنتشرة جداً تجد بني ادم بنتقد في سلوك معين وفي نفس ذات الوقت هو يعتبر وكيلو وكفيلو…
يعتبر القائم بأعمال هذا السلوك في الكوكب …
والله جد ..
مستفز ياخ…
####
من أبشع الأخبار هذا الاسبوع….. تزوج قبل شهرين من فتاة ذات خلق ودين ثم راى في المنام أنها تخونه ..( في المناااااام)
في مجرد حلم شاف إنها بتخونه بتتحدث مع رجل آخر فـ ماذا؟!
فقتلها…
وكتب بصفحة على فيسبوك
كل من عليها فان
اتفرجتوا؟!
والله لا شيء يقال
#######
قال ليك ايلون ماسك اقترح تطبيق…عبارة عن العندو فواتير وديون ينزلها فيهو ويجي رجال الأعمال من باب محاربة الملل كما قال يدفعوها ….
دايره اقول ليك ما تتحمس ساي بعدين لمن تجي تنزل التطبيق دا ح يقولوا ليك ( غير متاح في بلدك)…
قوم حت الغبار …
وهكذا وهكذا
######
شاهدت فيديوهات لـ لقاء رجل بجاره ( عناق ودموع) اتأكدت إننا دائما في ماتش الشوق بننهزم ستة…. ومرات ١٢
و١٦٠ عديل
الشوق بلعب بينا كورة…
ببكينا….
والشوق كافر طبعاً…
#####
تقول على الغلط غلط… يطلعوك كافر عديل
هو غلط نقول عليهو ثاني أكسيد الكربون ولا باونتي ؟!
اجي؟!
###
قال :
لا تَحكُمَنَّ بِما سَمِعتَ عَلى الوَرى
إِن شِئتَ عَدلاً فَاحكُمَنَّ بِما تَرى
فَلَرُبَّ أَنباءٍ أَتَتكَ مُريبَةً
أَعمَت عُيونَكَ عَن حَقيقَةِ ما جَرى
و………
ياروحي سلام عليك
لدواعٍ في بالي
