«ساندرا فاروق كدودة» تهاجم «القحاتة» وتكتب: قولوها بكل ثقة: قواتنا ستصل إلى دارفور
ما افتكر في زول مستغرب من حالة الطرب العملتها حركة الأمريكان الأخيرة للقحاتة.
أنا من أول أيام الحرب كتبت أني حزينة إنو الجزء دا من القوى المدنية، بدل ما يقيف مع جيشه الوطني في معركة وجودية، اختار بكامل إرادته يقيف ضده. يجري يستعين بالخوّاجات ويستثمر كل علاقاته وكل منابره عشان يساوي بين القوات المسلحة السودانية وبين مليشيا الدعم السريع، ويمرر سردية “طرفي النزاع”.
حزنت لأني عارفة حجم الشبكات البملكوها برة، وحجم اللوبيات الممكن يحركوها.. لو كانوا وظفوا ربع الإمكانيات دي لدعم الجيش، وللضغط لتصنيف الدعم السريع منظمة إرهابية، الحرب دي كان ما فاتت تلاتة شهور.
لكن كيف وعشان خاطر منو يحصل الكلام دا؟! الشعب !!
كتير مننا رؤيته مختلفة او عنده حسابات عايز يصفيها، لكن لما تكون قحاتي رؤيتك وحساباتك أولوية طبعاً! الحرب جاتك في جرح مش كدا؟ الدنيا أصلا خِربت فلازم تصفيها أول قبل الفرصه تروح!. وعندك مناصب اتقلعت منك ولازم ترجع ليها،
ولو على جثة الوطن كلو.
صدقني يا قحاتي، الوطن عندك ترس صغيييير في مكنة الصراع على السلطة
أو إرضاء الذات.
——
قواتنا ستصل إلى دارفور، أيوة قولوها وبكل ثقة: قـواتـنا ستصل إلى دارفـور
