هناء ابراهيم تكتب :هاشتاق اخر الإسبوع 

فوق راي

###

حقو نبطل نتكلم عن الجنية والأسعار…. نتكلم الحفرة توسع

مبدئياً كدا وزعوا لينا مسكنات

غايتو الناس تحتسب

#####

لمن الكلام يموت جواك …. صيوان العزاء بكون ظاهر في عيونك

وهسه شربنا الشاي

####

قال :

ما كنت قبل لقياك أدري

أن في الأرض كل هذا السرور

####

في فرق بين إنك مهم وبين إنو الحاجات البتقدما ليهم مهمة

وهكذا…

####

الصديق الحقيقي

بفتش معاك عن الحل

ولو ما لقى… بفتش عن باب

ولو الأبواب اتقفلت… بشق صدر الحياة ذاتو

عشان يلقى ليك منفذ…

بطلعك من الوجع بكل ما يملك

######

الناس بتعبر بالأخلاق…

شوفوا مركب الاخلاق دي واقفة وين

وبس

###

نصيحتي للناس الأيام دي:

طنطن عشان ما تموت مخنوق

####

قال:

أَتَبكي بَعدَ شَيبٍ قَد عَلاكا

وَلا يَنهاكَ شَيبُكَ عَن بُكاكا

فَهَلّا إِذ بَكَيتَ عَلى التَصابي

بَكَيتُ عَلى الصَبابَةِ في صِباكا

و………

طمني عليك إذا…..

لدواعٍ في بالي!